Hvert er þitt markmið í lífinu?

Nú þegar kreppan er komin á fullt vona ég að margir stansi við og hugsi sinn gang, velti fyrir sér markmiðum og leiðum að þeim.

Síðastliðin ár virðast margir hafa gleymt að peningar eru ekki markmið heldur ein af mörgum leiðum sem eru tiltækar til að ná settum markmiðum. Ég myndi brjóta markmiðin niður í fjóra þætti eða tvo ása, sjá eftirfarandi mynd.

 

 

 

 

 

 

 

 

 

Þú getur valið hvort aðrir eru hræddir við þig, bera virðingu fyrir þér eða hafa enga sérstaka skoðun á þér, einfaldir hlutir eins og klæðaburður og húðflúr hafa áhrif á hvar ókunnugir sjá þig á þessum skala. Eftir því sem fólk þekkir þig betur hafa athafnir þínar meiri áhrif og yfirborð minni áhrif.

Öryggi eða skemmtun, fjárhagslegt öryggi er gott dæmi um hlut sem er leiðinlegur, það væri mun skemmtilegra að eyða peningunum strax. Þetta má líka skoðast út frá áhugamálum eða því hvort fólk fer hreinlega úr húsi.

Peningar veita ekki virðingu, hræðslu né skemmtun en þeir eru verkfæri, verkfæri sem getur búið til virðingu, hræðslu eða skemmtun.

Margur milljónamæringur hefur með klækjum og brögðum eignast mikla peninga til þess eins að komast að því að enginn mun nokkurtíman bera virðingu fyrir honum, það eru dýrir peningar. 

Oft á tíðum eru til miklu betri verkfæri en peningar til að ná markmiðum okkar ef við bara vitum hver markmiðin okkar eru.

 

Að lokum vill ég velta upp nokkrum spurningum sem vonandi vekja fólk til umhugsunar.

Hvernig bíl átti Albert Einstein?

Hvernig hús átti Gandhi?

Hvernig sumarbústað átti Galileo?

Hversu ríkur var Adolf Hitler?